ಅಸ್ತಿತ್ವ್

ಬಗ್ಣಾಂ, ಜಿವಿತಾಕ್ ವಾಟೊ ದಾಕಯ್ತಾ! ಜಿವಿತಾ ವಾಟೊ ಹಜಾರ್ ತರೀ... ಜಿವಿತಾ ವಾಟೆಚಿ ಸಾವ್ಳಿ ಮಾತ್ ಏಕ್...! ತಿ ಪರಾತ್ ಚಲೊಂಕ್ ಸಾದ್ಯ್ ನಾಂ! ಕೇವಲ್ ಯಾದಿ ತಾಚ್ಯೊ ದೊಸ್ತಾತ್!!! ಹೊ ಕವಿ ಕಾಂಯ್ ಕೊಂಕ್ಣಿ ಶೆತಾಂತ್ ನಾಮ್ನೆಚೊ ನೈಂ, ತರ್‍ಈ.. ಹಾಂವ್ ಜಾಣಾಂ ಹಾಚಿ ಲಿಕ್ಣೆ ಧಾರ್‍... ನಿತಳ್ ಬರ್‍ಪಾಂನಿ, ಊಂಚಾಯೆಚಿ ಉತ್ರಾಂ ವಿಂಚುನ್ ಕವಿತೆಕ್ ಗ್ರೇಸ್ತ್ ಕೆಲಾಂ ಆಸ್ತಾಂ, ಭಾವನಾಂಚಾ ಸಾಗೊರಾಕ್ ತಡ್ ಬಾಂದುಂಕ್ ಕವಿ ಯಶಸ್ವಿ ಜಾಲಾ!! ಶಹಾಬ್ಬಾಸ್!!! ಯೆಣೆಂ ತುಜೆಂ ಕಾಳಿಜ್ ಕಡಯ್ತಾ... ಮನಾಂ ದುಕಯ್ತಾ... ಯೆವ್ಕಾರ್ ತುಕಾ... ಆಮ್ಚ್ಯಾ ಕೊಂಕ್ಣಿ ಸಂಸಾರಾಕ್!  

ಕವಿ: ಗೊಡ್ವಿನ್ ಡಿ’ಸೋಜ, ಬೊಳಿಯೆ.

ಕವನ್: ಅಸ್ತಿತ್ವ್
________

ಚಲ್ತಾಂ ಚಲ್ತಾಂ
 ಘುಂವೊನ್ ಚೊಯ್ಲಿಂ
  ಪುರ್ವೊನ್ ವೆಚಿಂ
   ಪಾವ್ಲಾಂ ಮ್ಹಜಿಂ...

ಇತ್ಲಿಂ ಉತಳ್
 ಇತ್ಲಿಂ ಅಸ್ಕತ್
  ಕಿತ್ಯಾ ದೆವಾ
   ಪಾವ್ಲಾಂ ಮ್ಹಜಿಂ...

ಕಾಂಯ್ ಇಲ್ಲೆಂ
 ತ್ರಾಣ್ ದಿ
  ಮೆಟಾಂಕ್ ಮ್ಹಜ್ಯಾ
   ಪ್ರಾಣ್ ದಿ...

ದರ್ಯೊ ಉತ್ರೊನ್
 ಗೆಲೊಂ ತರಿ
  ಮೆಟಾಂ ಮ್ಹಜಿಂ
   ಉರೊಂ ಅಶಿಂಚ್...

ಯಾದಿ ಮ್ಹಜ್ಯೊ   
 ಉರೊಂ ಅಶ್ಯೊಚ್....